Page 157 - MIN JUS

Abogado Chris Lejuez ta trece e otro banda di medaya di
publicasion riba su cliente Chines

Tuesday, 11 April 2017 20:12
Comparti

Pa loke ta un publicacion cu a sali riba e dama Chines, kende ta cliente di abogado Chris Lejuez,
el a comenta cu e caracter di e dama a wordo asesina

, door di bisa por ehempel cu e lo a habri su beauty salon cu placa cu el a haya di e director di
Serlimar. Esey no ta berdad. E parti di dje tabata habri pa lunanan largo prome cu e dia 22 di
Februari. Den corant ta poni tambe dia 22 di Januari, cual no ta berdad. El a wordo rectifica
den un proces verbaal di polis despues. Dia 22 di Februari sr. Fingal a lanta no 21 mil florin
tampoco manera publica, pero 24.400 for di un cuenta na banco. E mesun dia ey, esey tambe
tin e verificacion den e proces verbaal di e caso, el a habri su kluis na banco. E pensamento ta
cu posiblemente e dia ey el a lanta e placa y el a ward’e den su kluis. No tin ningun indicacion
cu e lo a duna e placa, of lo a fia e placa ey na e señora. Ademas di esey, e señora su Spa, no ta
cu su placa so el a lant’e, pero cu placa di su socio, kende nan dos hunto a lanta e spa, lunanan
prome.

Segun Lejuez, e dama su caso a bay aden. Fiscal a pone su demanda. Fiscal a splica pakico e ta
haya cu e demanda ta na su luga. Defensa a hiba palabra, defensa a defende e señora y ta di
opinion cu den e caso aki tabata tin un caso di defensa propio. E caso ta den man di hues awor
aki. Hues lo tuma un decision, sea cu el a bay na banda di fiscla, of di defensa, defensa lo
respeta e decision di hues, pero no ta na su luga cu prome cu esey mester a asesina e caracter
di e señora aki.