Page 9 - SJA

Trahadonan di Arubus ta pone e compania di transporte plat diabierna
mainta. Presidente di sindicato STA Diego de Cuba a confirma esaki

diahuebs anochi pa NoticiaCla.com "STA a haya mandato total pa bay
den accion total mayan" de Cuba a sigura e portal aki. Entre e motibo
di e accion, ta e mal estado di e flota di bus cu e trahadonan tin cu core

aden tur dia. Fuera di esey tin tambe e asunto di schalering, pa cual
por cierto e reunion a termina den apenas 8 minuut di a cuminsa

diahuebs atardi.

SITUACION DI BUSNAN

Segun de Cuba, apenas 2 di e flota di 15 bus cumpra na 2013 ta riba
caminda. Y e 2 busnan aki ta core cu yen di cosnan 'gekonkel'. "E

situacion ta hopi hopi grave na Arubus y e ta un peliger grandi". De
Cuba ta referi na e hecho cu mucha chikito y hendenan grandi ta
wordo transporta y ta pone nan bida na peliger. Como tal mester para

e operacion pa 'pone Arubus na tino' pa drecha e busnan manera debe
ser pa nan subi caminda. E ta referi tambe na e fayonan cu a causa
accidente y tambe morto. "Accion ta inevitabel y si no pidi accion, nan

ta nan so" de Cuba a finalisa bisando.

http://www.noticiacla.com/news/8688bay