Page 14 - VOS

Pagina 18 Dialuna 13 Maart 2017
FAVI hunto cu Aruba Doet a uni pa realisa e

soño di hopi clientenan di FAVI

Diabierna mainta
clientenan di FAVI tabatin
un mainta inolvidable na
momento ku nan por a
experiencia e 'Freedom'
di core riba un Harley
Davdison.

FAVI hunto cu Aruba Doet
a uni esfuerso pa realisa
e soño di hopi cliente di
FAVI cu ta di un dia por
core riba un Harley como
pasajero.

Esaki tabata deseo di un
cliente cu kier a biba e
experiencia ey prome cu
e bai for di e mundo aki.
FAVI a tuma contacto cu
bikers cLubs na Aruba y
mesora a haña un reaccion
positivo cu a culmina den
22 bikers cu a pone nan
tempo disponibel pa e
projecto cu tabatin un aña
den lachi.
Durante e mainta e
clientenan a gosa un mundo
di por tabata pasajero riba
un motorcycle. E alegria
cu por a mira riba cara
di e clientenan tabata e
satisfaccion inmenso di un
y tur cu a traha pa esaki
bira posibel.

Di parti di tanto FAVI,
Aruba Doet, clientenan
y voluntarionan di FAVI
ta bai un palabra grandi
di gradicimento na
miembronan di Camacuri
MC, Lone Wolf MC, TTT
MC, Cascabel MC,

Nos cu Nos MC y tambe tur
otro biker independiente
cu a partisipa na e FAVI/
Aruba Doet Ride di
diabierna 10 di Maart 2017
pa y hasi esaki un exito
rotundo.

Na final di e ride ya
clientenan a puntra e
directora di FAVI, Sra.
Cetty Baarh, ki dia
e sigiente ride lo ta
mustrando claramente cu
e experiencia tabata uno
grandi pa e clientenan cu
ta visualmente incapasita
of limita.