Page 17 - MIN ECEM NOV 25

AWEMainta Diabierna, 25 November 2016 17

Prome Minister Eman y Minister Sevinger
a bishita Verano na Seroe Biento

HABITANTENAN di Verano a keda contento cu

bishita di Prome Minister Mike Eman y Minister di
Infrastructura Benny Sevinger. E mandatarionan kier
a mira con por yuda e habitantenan cu a keda afecta
pa e yobida fuerte di diadomingo ultimo.

Sin embargo, varios di e habitantenan mes a haci e
limpiesa caba y por bisa cu e casnan cu a perde material
ta minimo. E ciudadanonan a gradici e mandatarionan
pa e hecho cu nan a haya un caminda bunita traha cu
klinkers cu ta haci nan ambiente uno mas agradabel
pa biba.
Pero si nan a haci peticion na Gobierno, por medio di
FCCA, pa construi cura pa e casnan, cu ta algo cu tur
e habitantenan cu tin un di e casnan aki ta desea.
Diferente persona cu tabata sa cu e mandatarionan
tabata den bario, a acudi pa saluda of pa expresa algun
preocupacion cu nan tabatin, personal of pa mehora-
cion di e bario mes.

“Nos a bishita Verano, un bario toch un poco halto. E
casnan a sufri poco daño di awacero, pero mas bien dor
di problema cu daknan. Esaki lo bay wordo soluciona
dor di FCCA”, Eman a comenta.