Page 8 - AWEMAINTA

8 AWEMainta Diabierna, 5 juli 2019

Di acuerdo cu Minister Rudy Lampe

Nada a ser kita for di su Ministerio, siendo

for di basta tempo ta negociando esaki caba

Minister Rudy Lampe, encarga cu Enseñansa den conferencia
di prensa di Gobierno diahuebs mainta, a papia di e temanan

Opvangnan prome y despues di scol, cualnan el a dicidi di pasa
over pa su colega Glenbert Croes, pasobra nan no tin di haber

directamente cu enseñansa.

E mandatario a nenga categoricamente cu e seccionnan aki a
wordo kita for di dje, cu hopi enfasis.

Manera ta conoci, tur diabierna mainta tin Conseho di Minis-

ter, y esaki tabata e dia cu maestronan atrobe den oranan di

mainta a bati na porta di Gobierno pidiendo un solucion pa tur
e problemanan cu tin e.o. na Trai’Merdia.

E mainta ey e maestronan a wordo informa cu ta trahando

riba un soluciona y cu den oranan di atardi lo por tin un con-
testa pa nan.

Despues di scucha Minister Lampe diahuebs mainta den e con-

ferencia, un docente a señala, cu si berdad e tabata un proposi-
cion di Rudy Lampe dicon Evelyn Wever Croes no a anunci’e

di biaha.
E expresion di e Prome Mandatario ta mustra mas bien mane-

ra cu tabata negociando p’e laga e departamentonan ey bay y

cu e no a wordo convenci ainda. Den oranan di atardi berdad a
bin anuncia n’e docentenan cu a yega na un solucion.

Loke docentenan ta cuestiona di e mandatario cu ta bisa cu ta

su persona a sugeri pa pasa Kinderopvang pa su colega Glen-

bert Croes, t’e hecho aki cu e Ley di Creche ta algo recien.
E pregunta ta dicon no a cambie di biaha, cu e ta algo cu bay

resorta bou di Ministerio di Asunto Social.

Si ta algo cu a papia di dje algun luna pasa caba, dicon no a
informa esaki na pueblo. Dicon ta net riba 28 di juni, den tur

e tumulto di malcontento, e ora ta bin cu un “proposicion” pa

Trai’Merdia resorta bou di Ministerio di Asunto Social.

Rudy Lampe den su conferencia di diahuebs mainta a lesa un
carta pa demostra cu e iniciativa a bini di dje y a menciona cu

e carta ta firma ironicamente dia 28 di juni, cual tabata siman

pasa diabierna.
E no a presenta ningun documento cu ta mustra ki tempo a

cuminsa cu e discusionnan pa Kinderopvang.