Page 97 - FDLP

Esaki a tuma luga pa 5’or di atardi y a sali for di Plaza Turismo riba Linear park, bay

Wilhelminapark y bek pa Plaza Turismo. E obhetivo principal ta pa recorda esnan cu a

fayece pa causanan relaciona cu HIV, ademas di distrui e stigma cu a genera en torno e

infeccion aki.

Ademas ta purba di educa, implica, conciencia y sensibilisa sociedad y crea un dialogo cu

e comunidad riba e prevencion, cuido y tratamento pa e infeccion aki. Ademas pa logra

uni e profesional y studiantenan cu otro organisacion y profesionalnan di e mesun campo.

Ademas e acontecimento ta crea un sentido di solidaridad global y ta genera expectativa

na nivel mundial.

Den hopi pais subdesaroya, educacion y infrastructura cu por atrae e evento aki, ta yuda e

comunidad hopi.Ademas na e luganan unda cultura of religion ta converti AIDS den un

tema tabu, e evento aki ta permiti entabla un debate y siña con pa preveni y trata e

enfermedad. Door di esey varios organisacion ta uni tur aña na e proyecto.