Page 38 - FDLP
P. 38
RIBA INVITACION DI ARUBA TOURISM
AUTHORITY: ESPN LATIN CU
PRODUCCION NA ARUBA UN
OPORTUNIDAD UNICO PA PROMOVE NOS
ATLETANAN ARUBIANO PROFESSIONAL
December 13, 2018
Oranjestad – E conocido cadena di television ESPN ta mundialmente conoci pa transmiti programanan relata
cu deporte riba canal di television y rednan social. Pa e region Latino America esaki ta yama ESPN Latin y ta
transmiti na e idioma spaño. Riba iniciativa y bao guia di Aruba Tourism Authority e seccion di ESPN –
Women Latina America, a bishita nos isla pa cubri bida di cuater atleta local cu a sa di capta atencion
internacional cu nan logronan grandi den deporte. Nan ta conta nan storia di perseverancia y determinacion.
Ademas, ESPN ta mustra e bida diaria di cada un di nan, con e ta pa biba cu e deporte, nan training y kico e ta
pa ta un hende muhe den deporte en general y e sacrificio pa nan biba como atletanan mundial den e
prestacionnan top di nan deporte.
