Page 5 - CMB_Neat

8 AWEMainta
Di 6 edicion di Women in
Leadership Conference cla pa ranca sali
‘Unda nos ta para den nos pais pa
cu hende muher den posicion top?’
Ban papia riba inovacion!
MANERA conoci, Aruba Trade & Industry Associa-
tion (ATIA) den partnership cu Caribbean Mercantile
Bank N.V. ta cla pa ranca sali cu e di 6 edicion di Wom-
en in Leadership Conference 2018, cu e tema: ‘Women
in Innovation’ y hende muher den posicion di liderazgo.
Ta hopi importante pa hende muher asisti n’e conferen-
cia aki, pero sigur tambe mesun importante p’e hende
homber.
E ta esencial p’e hende muher sigui desaroya su mes y
enfrenta ideanan nobo y inovativo. E biaha aki, un di e
invitadonan Catherine Barba ta un di e specialistanan
den yuda empresanan chikito por medio di tecnologia
mehorando e model di negoshi.
P’esey tur hende muher ta cordialmente invita y
sigur esnan cu ta forma parti di un empresa pa bin
haya sa un poco mas di e era digital y tecnologico,
p’asina por yuda nan mesun negoshi pero tambe ne-
goshi cu nan ta forma parti di dje bira mas exitoso.
Un otro dama profesional cu lo ta presente como orador
ta sra. Kelly Tomblin, CEO di INTREN L.C.C., un dama
cu a traha mas cu 25 aña den e industria di energia, den
mercadonan competitivo rond di Merca, U.K. y Latino
America. Cu un experiencia sumamente amplio den sec-
tornan di generacion, transmision y distribucion como
tambe desaroyonan sostenibel, servicionan di energia y
sales.
Kelly Tomblin a traha den varios area di e industria,
incluyendo legal, servicio na cliente, regulatorio, plant
& field operations y transformacion di organisacion.
Tambe nos ta honra di tin nos Prome Minister sra. Evelyn
Wever-Croes, no solamente e prome dama cu e logro di
bira nos Prome Minister, pero sigur tambe un figura pro-
fesional ehemplar cu ta kere den inovacion, kende semper
a traha responsabel y cu un amor grandi pa desaroyo di su
Diahuebs, 23 Augustus 2018
pais. E tres damanan aki sigur lo laga e audiencia inspira y
cla pa trece cambionan efectivo den nan bida profesional.
Pa Caribbean Mercantile Bank N.V. esaki ta di 4 biaha
cu ta sponsor e Women in Leadership Conference cu
hopi orguyo hunto cu ATIA. E aña aki ademas di e pre-
sentacionnan, lo tin un panel di hende muher y hende
homber.
E panel aki lo consisti di Tisa La Sorte, CEO di AHATA,
Sanju Luidens, CMO di ATA, Gavril Mansur, Assistant
Managing Director Credit Risk, CMB y Patrick Mel-
chiors, Destination Services Manager di ATA.
E panel aki lo discuti riba e tema di unda nos ta para
como pais pa cu hende muher den posicionnan top y
huntanan di directiva, y con por stimula esaki mas.
N’e banco CMB p.e., e forsa laboral ta consisti den gran
mayoria di hende muher y ta yegando awor mas o me-
nos 70%.
Algun aña atras esaki tabata riba 65%, pero awor e ta
cerca di 70% unda cu mayoria di hende muher ta den
posicionnan di liderazgo. Pues sea nan ta supervisor of
manager anto e cos great di esaki ta cu bo por claramente
mira cu e ser femenino ta traha hunto pa eleva otro pa
sigui crece den nan posicion y bay dilanti.
Nan ta traha un diferente manera cu hende homber ca-
minda bo ta haya nan ta brainstorm hunto y realmente
pusha otro pa cada bes surpasa y yega nivelnan mas hal-
to.
“E hende muher ta hopi mas creativo den forma comu-
nidad. E ta un manera hopi great pa bo atende un con-
ferencia di e modo aki pa motibo cu bo tin e mesun
creatividad aki y liderazgo cu ta bay hunga un rol.
E tema principal di e dia lo bay ta inovacion, con un per-
sona femenino, den su posicion di trabao sea profesional
of entrepreneur, con e ta uza e informacion aki p’e por
crea un persona mihor di su mes y mescos pa su ami-
go, coleganan y comunidad tambe”, Ilan Lopez, Mar-
keting & Public Relations Officer di CMB a comenta.
Women in Leadership Conference 2018 lo tuma lugar
diabierna dia 24 di augustus. Portanan lo habri 8’or di
mainta y e conferencia lo start pa 9:15 y lo bay te 4’or
di atardi.
E conferencia lo bay tuma lugar na Marriott Ballroom.
Carchinan ta obtenibel na oficina di ATIA of por libre-
mente tuma contacto cu ATIA na 582 7593 of email
riba info@atiaruba.org.