Page 20 - bon-dia-aruba-20190423

A20 DEPORTE
Diamars 23 aPriL 2019

Tamashi Shotokan Karate Do Aruba cu diferente medaya

na USA Open di Karate

ORANJESTAD - Tamashi Shotokan Karate
Do Aruba cu recientemente tabata na Las
Vegas, Nevada unda nan a competi den e
Junior International y USA Open di Karate,
esaki ta sin duda un prestacion di kita som-
bre di e scol di karate.

Di banda di Tamashi Shotokan nan kier a gradici
tur e mayornan cu a aporta grandemente na e
proyecto aki. Cu trabou duro tur meta desea ta
posibel pa alcansa. Un danki na Sensei Robert Sil-
va pa apoya Sr Rosendo y tur e representantenan
cu a yuda den esaki. Tambe na Sensei Marvin cu
semper a dedica henter su bida na e deporte aki y
e medayanan ta simplemente fruto di un trabou
duro y dedica ehecuta cu hopi pasion.

Atleta Julianne Dorothal a ricibi Academic Excellence Award

ORANJESTAD – Recientemente e atleta di atletismo
Julianne Dorothal a ricibi un Academic Excellence
Award pa su Academic Achievement na Cleveland,
Merca.

Esaki sigur ta un tawata un momento hopi special pa Julianne
mirando cu el a sali un di Student Athlete cu e miho GPA den
su grupo.

Pa algun aña caba Julianne ta bishitando Cleveland State Uni-
versity caminda cu e ta combina su estudio y su deporte cu e
ta stima di atletismo. Presente durante e bunita ceremonia aki
tabata t’ey presente su kerido mama. Esaki ta segun e fuente
Sports Zone aruba.

Kyle Frankel y su scol Elon a gana Colonial Athletic Association

ORANJESTAD - Kyle
Frankel a contribui gran-
demente na e triunfo di su
scol Elon den e Colonial
Athletic Association

Kyle su victoria tabata cru-
cial unda e ta bin gana den
un thriller di tie-break pa
despues su compañero dicidi
e prome titulo gana pa Elon
den e CAA.

Braynsley Dirksz y Gavin Kock a gana medaya di oro y plata

ORANJESTAD - Recientemente e lan-
dadonan Braynsley Dirksz y Gavin Kock
a logra medaya oro y plata pa Aruba den
e Carifta Games na Barbados.

Braynsley cu mainta ta landa e di dos miho
tempo den e 200m pecho ta mishi den e gran
final net prome cu Gavin Kock cu mainta a
domina e prome 185m pero den e ultimo
15m Braynsley ta remata y yega cerca unda
ambos ta landa cabes pa e final.. E hoben
Dirksz a landa 2.42.94 pa e medaya di oro
mientras Kock ta landa 2.43.15 pa e medaya
di plata den e 200m pecho 11 - 12 aña.

Esaki ta bira e prome dos medayanan pa Aru-
ba riba e prome dia.
evento entre e dos hobennan Arubano