Page 34 - HOH

loke ta cambio di botica semper ta e periodo di April y October. Pero pa bini bek
riba luna di September, Sra. Tchong a sigui bisa cu, full e luna ta habri pa duna
e aseguradonan di AZV e chens pa haci cambio di dokter di cas pa cu esaki tin
un informacion nobo cu un dokter di cas nobo a start na Sta. Cruz 52 net patras
di Botica Maria. Akinan ta papia di Dr. Kenneth Croes kende ta un Arubiano
hoben kende a studia na Aruba, a biba hopi aña aki na Aruba y despues a bai
specializa na Hulanda. Y finalmente dor di su interes y su pasion pa yuda hende
a haci e trayecto via Universiteit van Amsterdam aki na Aruba mes. Esaki ta
nifica cu tin un dokter di cas nobo na Sta. Cruz y e ta disponibel pa acepta
patientnan of aseguradonan di AZV tambe. Es decir tur esnan cu kier haci
cambio di dokter di cas pa un of otro motibo kier cambia, esaki ta bira posibel y
por menciona cu Dr. Kenneth Croes su consultorio ta habri di Dialuna pa
Diabierna di 8’or di mainta pa 12.30 di merdia y despues 1.30 di merdia pa 4’or
di atardi. Dr. Kenneth Croes su consultorio ta habri mainta caba for di 7.45 di
mainta via telefon te cu 10’or di mainta caminda por jama pa haya cita y
logicamente tin oportunidad si no logra haya cita na telefon por pasa
personalmente na e consultorio cu ta keda net patras di Botica Maria na Sta.
Cruz. Sra. Tchong kier a menciona cu pa AZV ta hopi importante pa tuma nota
di esaki atrobe pasobra t’asina cu den pasado AZV tabatin hopi biaha e
problematica di dokternan di cas cu ta yen tambe, pero aworaki ta crea mas
oportunidad. Dr. Kenneth Croes a habri su consultorio pues tin amplio
oportunidad pa aseguradonan di AZV haci cambio y den e caso aki evalua
tambe pa inscribi serca Dr. Kenneth Croes. Dr. Croes tin amplio experiencia
pasobra el a traha na SABA, el a traha na Dr. Brit-Croes y Dr. Vis den pasado y
tin experiencia tambe di Spoed Eisende Hulp dus mencionando esaki ta kere cu
AZV cu e contrato cu Dr. Kenneth Croes ta brinda e asegurado un chens mas pa
cambia pa un dokter di cas nobo.

https://masnoticia.com/dr-kenneth-croes-ta-habri-consultorio-di-dokter-di-cas-y-ta-cla-pa-duna-
servicio-na-comunidad/