Page 12 - ARUBA BANK

6 Djarason 17 òktober 2018
Sènnan di papel
aktual ta fásil
por falsifiká

Tin monedanan
di 1 i 5 florin
falsifiká tambe
den sirkulashon

WILLEMSTAD. - Pa loke
ta trata e sènnan di papel
aktual, e karakterístikanan
aktual ta fásil pa por
falsifiká, asina Alvin
Fransisco di Banko Sentral
a duna di konosé ayera
durante su presentashon
den Parlamento na
Parlamentarionan. Esaki
tambe ta un di e motibunan
ku mester bin un desishon
lihé pa ku un moneda nobo
o sea “upgrade” e loke ku tin
aktual.
Fransisco a splika ku un
di e kosnan ku ta fásil pa
falsifiká ta e “foli” ku tin
riba e sèn di papel.
Banda di esei tin
monedanan di 1 florin i
prinsipalmente 5 florin falsu
den sirkulashon.
Tin e pensamentu tambe
ku por yega na sèn di papel
“upgrated”, pero e ora ei
mester saka tur moneda for
di sirkulashon pa introdusí
solamente esunnan ku a
upgrade den sirkulashon i
esei ta pone ku mester traha
un kantidat grandi.
Esei ta konta pa ku
monedanan tambe i akinan
lo mester skohe pa un
material otro ku ta mas fasil
pa haña.
Pa ku monedanan ainda
tin mesun proveedor. E
loke ku si Banko Sentral
a tuma nota di dje ta ku e
monedanan ku ainda no
a keda di drùk, ta masha
difísil pa nan haña material
pa e 5 florin i 1 florin.
Den pasado t’asina ku
e materianan en kuestion
tabata fásil pa haña, pero
awor aki ta mustrá kon
difísil ta pa haña e material
en kuestion.
Na un okashon Banko
Sentral a haña un lote di
florin, ku den un periodo
kòrtiku e florinnan aki
tabata pretu. Esaki pa
motibu ku e meskla tabata
diferente, loke ku a trese
kuné tambe ku e moneda di
5 florin tabatin un otro koló.
Dor ku ta difísil pa haña
e tipo di material aki (staal)
e proveedornan no ta muchu
entusiasmá pa produsí e
monedanan aki pa Kòrsou
i esaki ta pone ku produsí
esakinan ta bira kompliká i
karu.