Page 5 - KPA
P. 5
AWEMainta Dialuna, 12 December 2016 7
Poco pabao di
ex Warda di Polis na Santa Cruz
Accidente pisa,
unda auto a ranca
un pal’i luz
DIADOMINGO den oranan di mainta a sosode
un accidente poco pariba di e T-Weg pariba di Yam-
balaya na Santa Cruz. Un auto den e birada mas
pariba a baha caminda y ranca pal’i luz pa despues
bolter. Un palo di luz cu voltahe halto a wordo ranca.
Polis a bay cu urgencia mirando cu a drenta informa-
cion cu ta un desgracia basta pisa.
Na yegada patruye policial a confirma cu tin herido
y pa manda ambulance.
N.V. Elmar su personal tambe a wordo pidi. E pal’i
luz a keda benta riba caminda y a paraliza e trafico.
Personal di ambulance a atende cu e victima. E tabata
tin sla na cara cu tabata sangra. E auto a wordo poni
bek riba 4 wiel. Por a compronde cu e chofer aki a
perde control riba su auto, pasobra e tabata bin cu
un velocidad duro.
Personal di Elmar mester a busca extra personal y eki-
po pa ranca sali mesora cu nan trabounan pa drecha
e daño y asina e habitantenan por haya coriente bek.
