Page 71 - KPA

Homber a gaña Polis asina hopi y a keda deteni ora e berdad
a sali na cla

Sunday, 11 December 2016 19:45
Comparti

Diadomingo marduga doñonan di un restaurant na Boegoeroei a yama Polis despues di mira cierto
movecion straño patras di nan negoshi.

A mira un hende na un auto cu ta scondi of a yega sconde patras di e restaurant. A bisa tambe cu a capta
un hende moviendo sospechoso. E descripcion a wordo duna mesora pa Polis cu tabata na caminda. Ora
cu Polis a yega nan a topa cu e auto y durante a buskeda a bin topa cu un homber tambe. Ora a mustra
riba e auto y su movecion el a cuminsa gaña Polis yen di cos. Prome el a splica cu e no sa di kende e auto
ta. El a splica Polis cu e no a bay na e auto ningun rato. Ora a draai e camara por a mira cu el a wordo
gara cu prome mentira. Ora cu Polis a bise cu lo confisca e auto, mesora el a bisa cu e auto ta di su
pareha. E kiermen e no tin yabi. Segun su version e chick a bay trip y e ta wardando riba dje. E auto
tabata full scondi patras di e restaurant riba un tereno priva. Polis a sigui interoga e persona aki cu a
cuminsa pega. A puntre su nomber y aki tambe el a gaña riba su nomber. Despues a puntre nomber di su
chick y el a bisa e nomber. Ora a puntre pa fam di su chick, e no tabata corda. Polis a bise cu nan lo hibe
cas y cu e auto ta bay warda. E no tabata kier esey. Polis a bise cu nan no ta kere ningun storia mas. A
pidie number di telefon di su chick y asina nan a bay yama pa mira kiko por a pasa. Ora Polis a haya e
chick, el a splica cu e ta drumi na cas y e no sa mes cu nan a bay cu su auto. Mirando e declaracion a bay
over na detencion di e homber cu a gaña Polis varios biaha. A pone na rudia pa warda dogcatcher bin
buske. El a cuminsa yora cerca Polis cu e no a haci nada. Ademas el a bisa cu e tin su trabou na Hotel y
esaki por perhudike. Polis a bise cu e mes ta perhudicando su mes dor di gaña hopi. Polis no tabata
confia ningun version mas. Ora dogcatcher a yega a bay listre pa asina hibe warda. Den su saco a bin
haya marihuana tambe. Esey a caba di hinke den mas problema. Na warda a presente dilanti fiscal
auxiliar unda lo sigui atende cune. E auto a wordo hiba warda.