Page 81 - KPA

Polis a gara ladron cu a horta auto dilanti porta di casino

Sunday, 11 December 2016 12:11
Comparti

Tabata pa 7:50 PM cu a notifica Polis cu a horta un pickup, A-40462 dilanti Seaport Casino.

Un rato despues a drenta yamada cu un homber lomba sunu ta actua straño den e vecindario y tabata purba drenta
den autonan, etc. E discripcion tabata mescos y no a dura mucho cu a señala e auto bayendo ariba cu velocidad halto.
Polisnan a bay den accion mesora y a logra para e auto na altura di Bo Wah Restaurant na Savaneta. Mester bisa cu
un reportero di 24ora.com mes a mira e auto y a avisa Polis pa por a logra yega na e auto mas facil. Ora a para e
auto a resulta cu ta mustra un adicto cu tabata lomba afo riba caya. E tabata core memey caminda sin luz bayendo
ariba, ora cu Polis a logra gar'e. E lo tin cu bay duna cuenta awo pa e ladronicia aki y daño cometi.