Page 6 - AAA FLIP 3 DEC 2016
P. 6
AWEMainta Diasabra, 3 December 2016 5
Investigacion a conclui cu apesar cu pa 30 minuut
a mustra cu e avion ta den emergencia y esaki a keda neglisha
Autoridad na Medellin a detene director
di Aeropuerto Jose Maria Cordova
MEDELLIN - Diahuebs atardi autoridad hudicial
di Medellin a dicidi di detene e Director di Aero-
puerto Jose Maria Cordova, pasobra e investigacion
haci di e accidente aereo cu tur momento, esnan cu
ta maneha e Aeropuerto a nenga di yuda e avion cu
tabata den problema.
Mas ainda cu e Director a nenga di duna autorisacion
y permiti e avion aki baha.
E piloto cu tabata transportando e team di futbol di
Brazil, Chapecoense a bisa tore di control cu e tin
problema cu coriente y no tin suficiente fuel pa sigui
bula.
Scuchando e grabacion entre e piloto y Tore di Con-
trol, por a constata cu e Air Traffic Controller tabata (Foto Cortesia SegeundoFinanciero)
duna prioridad na otro avionnan, neglishando pa
yuda e compania charter aki, cu finalmente a bin cay.
Ta 8 biaha e piloto a bin ta solicita pa haya atencion,
mirando e emergencia cu e t’aden. Awor por constata
cu e radar tambe a faya.
Esakinan tabata suficiente motibo cu Ramon Huerta
Valencia, Director y Hefe di Aeropuerto a keda
deteni, acusa di homicidio cu di acuerdo cu conoce-
dornan di ley na Colombia, cu dicho persona lo pasa
resto di su bida sera.
Gana premionan
atractivo cu e campaña di
Fin di Aña di AruParking
ARUPARKING ta anuncia su campaña di Fin
di Aña ofreciendo premionan atractivo pa tur par-
ticipante. For di 1 di december tur esnan cu ta haci
uzo di AruParking por participa den e campaña. Ta
masha facil, riba e recibo cu e parkeermeter ta duna
e usuario, ta skirbi nan nomber y number di telefon.
E recibo aki ta wordo deposita den un tombola ubica
na oficina di AruParking, na oficina di Arubus na
Sabana Blanco of na esun na San Nicolas.
Cu e pasonan facil aki ya caba e usuario ta partici-
pando den e rifa cu lo tuma lugar dia 4 di januari na
oficina di AruParking.
Prome premio ta un tablet, di dos premio ta parkeo
gratis pa 3 luna y e di tres premio ta parkeo gratis
pa 1 luna. Ban sostene nos centro di ciudad, haya
parkeo facil y gana cu AruParking!
