Page 44 - FDLP

Refereenan ta hunga un rol hopi importante y e federacion ta hopi contento. Esaki ta
bin for di e plan strategico cu nan a caba di implementa y ta poni den e plan pa dedica
hopi atencion na e refereenan.

Asina aki pa yega na mas referee, pero riba nivel hopi halto pa nan por representa
Aruba den exterior. P’e curso aki AVB a invita Valentino Chance di Corsou, kende ta un
persona hopi conoci den e mundo di referee na Corsou.

A trece Aruba p’e por duna e curso aki pa asina aki por haya experencianan no
solamente local, pero experencianan di afo y pase over na e grupo aki di 20 cursista.
Tin diferente plan den tapara, pa motibo cu den Caribe ta poniendo hopi enfasis riba
asunto di referee.

A constata cu den Caribe tin un “achterstand” riba e refereenan den Sur America of
Noord America. E itencion ta pa cera e buraco ey pa haya refereenan den Caribe por
fluit weganan internacional, pero weganan grandi manera Mexico contra Panama, Merca

contra Canada.

Ta bay pone hopi enfasis riba referee y esey ta bay haci cu AVB cu ta forma parti di
CONCACAF cu ta forma parti di e Dutch Speaking Countries. Lo bay traha hunto, bin cu

programanan conhuntamente di intercambio pa haya experencia entre paisnan cu ta
forma parti di e Dutch Speaking Countries.

Valentino Chance, Technical Instructor di Referee, ta mira hopi expectativa pasobra ta

mira hopi hende jong. Ora di mira hopi hende jong cu ta prospectonan potencial pa bira
referee.

No solamente referee local pero semper ta busca esun cu ta exala na nivel mundial. No

ta busca esaki solamente na Aruba, pero ta busca esaki na Boneiro y Corsou tambe. Pa
nan esaki ta un satisfaccion hopi grandi pa mira hopi mucha jong.

Te ainda nan ta buscando pa haya e referee y no ta facil. “E tin di haber cu e manera

con nos ta biba facil”, segun Valentino Chance.