Page 40 - MIN ON

Jose de Sousa Fernandes Perna na nomber di SIMAR Den
feliz memoria di sra. Madonna stephens Educado-

Sindicalista Arubiano: 01 nov.1940 - 09 mei 2017

Friday, 12 May 2017 16:42
Comparti

Juf. Madonna Stephens a bai laga nos, sinembargo pa hopi di nos, Madonna lo sigui biba den nos
curason pa semper; pa papia den palabranan filosofico di Henry Adams: “A teacher affects eternity;
he/she can never tell where his/her influence stops”.

Madonna por mira atras riba un trayectoria profesional impresionante como maestra di scol, tanto den
enseñansa basico y secundario (Filomena College), como tambe superior (Instituto Pedagogico
Arubano). Madonna na un edad hoben a bai studia na Hulanda pa maestro di scol (Kweekschool na
Reuver) y despues na Aruba mes a continua profesionalisa su mes den Idioma (Ingles), Pedagogia y
Derecho. Motivacion principal di Madonna pa sigui profesionalisa su mes, no tabata simplemente pa un
otro logro academico, pero mas bien pa por a eherce su funcion di ‘educado’ aun miho! Nos como
coleganan por a experencia e dedicacion y compromiso di Madonna pa enseñansa di Aruba
constantemente. Exactamente mes’un razonnan pa cua Madonna a cuminsa milita den sindicato di
maestro di scol; na comienso VLA (Vakbond van Leerkrachten Aruba) y despues medio añanan 70,
SIMAR (Sindicato di Maestronan Aruba). Prome cu Madonna a tuma rienda di SIMAR como presidente
(1977 – 1984), Madonna a forma parti di diferente directiva y despues di su presidencia, a sigui activo
como miembro di hopi directiva mas; pa hopi presidente di SIMAR, Madonna a fungi como nan mentor.
E papel cu Madonna a desplega pa SIMAR ta enorme y hopi significativo, sigur den terminonan pa cu
posicion huridico di tur maestro (miembro y no-miembro), como tambe den terminonan di desaroyo y
inovacion di enseñansa na Aruba. Madonna a funhi como miembro di Directiva VLA/SIMAR na 1974,
por cierto durante e welga di “Inspraak” y e respectivo welganan despues. Tambe mi ta corda nos
intercambionan pa cu preparacion pa e congresonan/seminarionan “Keda sinta: un mester?” y “Kalidad
di enseñansa”.

Madonna como dirigente responsabel, tabata semper presente, dia y nochi. Madonna no tabata un
persona di hopi palabra, pero mas bien un bon observado y un analista hopi critico; respetando opinion
di tur hende, Madonna tabata formula su propio pensamentonan. No semper Madonna a sa di convence
tur hende, pero den mayoria caso, Madonna tabatin razon y como tal tabata para firme pa su
principionan y ponencianan: un profesional consciente y consistente. Madonna a duna un man tambe
den dos comicion, esta: Stuurgroep Herstructurering Onderwijs (abrevia SHO), instala pa minister mr.
Mito Croes, encarga cu e nota di maneho di enseñansa “Renovacion di Enseñansa: prioridad pa futuro”
(1988). Igualmente, “Werkgroep Herstructurering Opleidingsonderwijs” (WHO), instala tambe pa
minister mr. Mito Croes y e nota di maneho di enseñansa “Het Pedagogisch Instituut: een nieuw instituut
voor de scholing van onderwijsgevenden op Aruba” (1988). Desde 1989/1990, Madonna y mi persona
tabata colega-docente na IPA. Locual cu nos a propone na ideanan pa inovacion di e sistema educativo na
Aruba, den e siguiente 20 pa 25 aña, a crea espacio pa ehecuta esakinan. Madonna a duna su
contribucion incondicionalmente na tur proyecto di inovacion di enseñansa, esta: IPA, EPB, EPI, SHA y