Page 11 - KPA

AWEMainta Dialuna, 30 Januari 2017 21

Polis ta adverti

No ta permiti staciona

riba acera rond

di Carnival Village
Specialmente durante eventonan Carnavalesco

RECIENTEMENTE a caba di embeyece henter e area
rond di Carnival Village na San Nicolas, den cual a instala
klinkers tur rond.
Den e siguiente dianan lo tuma lugar varios evento Car-
navalesco eyden, manera ta Festival di Calypso y Road-
march infantil, hubenil y pa adulto. Ta spera un publico
grandi, mescos tambe concentracion di auto.

Cuerpo Policial Aruba ta adverti adelanta cu no ta permiti
pa staciona riba acera, specialmente rond di Carnival Vil-
lage unda recientemente a caba di pone klinker.
A dialoga cu e organisacion MUSICA cu mester percura pa
opcionnan di parkeer auto p’e publico grandi cu lo atende.
Nan a sigura autoridadnan cu tin suficiente espacio tur
rond pa staciona vehiculonan di motor.

Ta p’esey Polis ta manda un advertencia pa publico, cu
lo takel tur auto mal staciona y cu e consecuencia ta p’e
doño di auto, cu lo mester paga p’e servicio di takelwagen
y sin lubida e multa cu ta bin separa.
Cuerpo Policial ta probecha pa corda tur esnan cu lo atende
e eventonan, cu e maneho di “Faya bo Haya” lo ta aplicabel
y den esey lo haci listramento preventivo.

Esaki ta pa por garantisa seguridad di tur cu lo atende e
eventonan aki. Ta mas cu claro cu pa por gosa Carnaval, no
mester cana ni cu arma ni cu ningun tipo di droga, pasobra
esey lo ta problema pa hinca Bo den problema cu husticia.
Y corda cu ora bay mira Carnaval, no ta kapsalon tin,
pues no mester bay cu sker den saco. Polis regularmente
ta topa hende cu sker scondi den saco, cu por uza como
arma den un pelea.

Pa evita cu no ta haya un bon lugar pa parkeer ora bay
evento den Carnival Village, ta conseha pa bay tempran
pa sigura un bon lugar, nechi den parkeerplaats of den un
lugar asigna den becindario cu NO ta riba acera!