Page 6 - ON
P. 6
E MENSAHE PRINCIPAL TA UNO DI
SPERANSA MINISTER MICHELLE
HOOYBOER-WINKLAAR REFLEHANDO RIBA
UN DIA SUMAMENTE EXITOSO DI DIA
INTERNACIONAL DI HENDE MUHE
March 16, 2017 adminarubanative Uncategorized Leave a comment
ORANJESTAD, Aruba, 16 di maart 2017 – Reflehando riba e evento di Dia
Internacional di Hende Muhe teni 8 di maart ultimo, na Renaissance Convention
Center Minister di Educacion, sra. Michelle Hooyboer-Winklaar ta expresa di a
keda sumamente contento cu e exito di e dia aki den tur sentido.
“Mi ta kere cu loke nos a trece den sala di Renaissance den presencia di 800 –
mayoria muhe – tabata un mensahe di speransa. Apesar di diferente obstaculo
cu hende muhe mester confronta den bida nan por sobresali. Nan por surpasa
cualkier obstaculo, trauma y cosnan hopi negativo cu nos ta wak hopi biaha
hende muhe sa pasa den dje,” e mandatario ta refleha.
Minister ta sigui bisa cu ora scucha for di nan den nan propio bos, esaki tabata
mi experiencia… “y esunnan cu tabata tin e curashi pa comparti nan storianan cu
hopi biaha ta cosnan hopi tabu cu ningun hende kier papia di dje nan tabata tin
e curashi di para riba stage y duna nan mensahe di speransa.”
“Un mensahe di sin importa no haci loke kisas otro hendenan ta bisabo den bo
bida e unico cos cu bo mester hinca den bo cabes ta cu por surpasa cu amor,
stimacion y sosten di esunnan rond dibo. Esey tabata e mensahe principal. Mi ta
kere di otro banda e mensahe cu a sali ta cu nos hende muhe ta sumamente
fuerte. Loke ami a trece dilanti ta cu tin un diferencia entre tof y fuerte,” e
mandatario ta amplia.
E ta sigui bisa cu esey tabata e enfasis. Ban pone e focus cu nos hende muhe ta
fuerte sin mester ta tof… “esey ta loke a resona henter dia den e conferencia.”
Minister Hooyboer-Winklaar ta bisa di a keda sumamente contento cu e diferente
oradornan cu tabata presente tanto internacional como local… “mi ta hayando
asina hopi mensahe ainda cu a drenta di gradicimento di e caliber cu nan a trece.
