Page 5 - ATA
P. 5
Trip Advisor: Eagle Beach e di 3 miho
beach na mundo
Posted on 02/24/2017 9:39 am AST | Updated on 02/24/2017 9:40 am AST
ORANJESTAD- Aruba su Eagle Beach ta e di tres miho
playa na mundo, y di dos miho den Caribe! Esaki ta segun
‘Travelers Choice Awards 2017’ di e pagina web poderoso,
esta TripAdvisor.com. Nos Arashi Beach tambe a ricibi
reconocimento for di TripAdvisor cu un posicion den e
categoria di ‘Top 25 Miho playanan den Caribe’. Esaki ta un
elogio hopi importante pa Aruba, enfocando unbes mas e
satisfaction cu nos bunita playanan bou bishitantenan.
Barbara Messing, Chief Marketing Officer pa TripAdvisor a
comenta cu nan a compila e lista di “world’s best beaches” pa
asina inspira esnan cu ta planeando un “beach getaway.”
Ganadornan ta wordo determina a base di e cantidad y cualidad
di e reviewnan cu un playa ta ricibi riba e plataforma di
TripAdvisor durante un temporada di 12 luna. Banda di e lista di
top 25 playanan rond mundo, TripAdvisor a compila lista pa e
mihor playanan regional manera pa Africa, Asia, Australia,
Caribe, Central America, Europa, Sur America, Sur Pacifico,
Reino Uni (U.K.) y Merca.
Nos famoso Eagle Beach ta un di e playanan preferi, na unda
usarionan di TripAdvisor ta comenta cu ta esun di mas bunita di
Aruba pa e santo blanco y bunita awa turquoise. Ademas,
usarionan a indica di ta gusta cu e playa aki ta brinda hopi priva
y espacio suficiente pa por disfruta di dje.
