Page 37 - ATA

Mesora tur e avionnan cu tabata riba rampa a wordo hala p’e parti zuid di e pista, p’asina
esnan concerni por a cuminsa cu un buskeda extenso.

Polis a haci uso di e cachonan special pa buska bom, e bomb-squad di KPA tambe tabata
presente y hunto cu Marina Real a cuminsa cu e buskeda, p’asina por caba di busca mas
liher cu ta posibel, mirando cu ta trata di un orario hopi druk na Aeropuerto. Tambe pa
evita mas retraso den e buelonan cu mester sali den e siguiente oranan.

Durante e buskeda p’e supuesto bom, e camindanan den area di Aeropuerto tambe a
wordo cera, causando un stagnacion completo.

Niun bom no a wordo haya riba e avion, te n’e momentonan aki no a detene niun persona
tampoco, pero e investigacionnan ta wordo haci pa haya sa ken of kendenan a haci esaki.

Bom melding ta un crimen y tin un castigo pisa di prison p’esnan cu haci nan mes
culpabel na esaki.
E tin hopi consecuencia, pasobra mester cera e Aeropuerto, niun avion no por baha ni
subi, un perdida enorme financieramente pa Aeropuerto y e airlinenan.

Camindanan den becindario di Aeropuerto ta wordo cera, trafico ta pega, fila etc. Tambe
mester manda yama un team special, pa realisa e buskeda p’e bom, cu no ta staciona na
Aeropuerto (ta tuma algun minuut).

E ta perhudica tambe un gran cantidad di pasahero cu lo yega laat nan destinacion final y
por perde nan conexionnan, of kizas mester cancela nan buelo, cambi’e pa otro dia, tin
hopi airline cu ta cobra un boet (penalty fee), nan mester paga pa nan hospedahe.

E ta costa hopi hende inocente hopi placa inecesario. Pesey mes bom melding no ta algo
pa haci joke cune mes.