Page 57 - MIN JUS_Neat

Judelca Briceño a splica kico ta e pensamento tras di e
cambionan pa tin mercado laboral bon controla

Thursday, 01 June 2017 22:04
Comparti

E ley di uitzendwezen a drenta na vigor na 2013. Tabata tin un aña si cu a duna companianan e oportunidad pa nan
custuma cu e ley nobo segun Judelca Briceño di Departamento di Labor.
Esaki ta e ley caminda cu kier regula e trabaonan di uitzendwezen. E trabao caminda cu un hende ta wordo pidi den
servicio temporalmente pa reemplasa cierto hendenan of un trahado cu kisas ta cu zwangerschapverlof of cu ta malo.
E meta di e ley aki tabata pa regla e sector aki. Loke cu a ripara durante transcurso di añanan, cu tin un bruhamento
caminda cu dado momento bo ta crea tres tipo di compania cu ta ofrece servicionan similar, pero loke cu a ripara ta
por ehempel, tin uitzendwezen cu ta puro uitzend, caminda cu un hende ta wordo poni na trabao, pasobra un
empleado ta malo, pa un of dos luna y despues e ta bay cas bek.
Esey ta a base di no work, no pay. Tanten cu e ta na cas, e no tin pago. E di dos fenomeno cu ta haya ta e sector ta e
parti di companianan cu ta duna un servicio. Companianan manera un compania di construccion of limpiesa of
luganan maner security, nan ta ofrece un servicio na un otro compania. Loke a ripara riba mercado laboral ta, cu
hopi di e companianan aki, e hendenan ta bin den servicio di e compania, pero ora nan bay wordo manda afo, riba
mercado laboral, nan ta wordo paga na e momento cu tin trabao. Na e momento cu nan bay bek cas, cu no tin trabao
pa nan, e proyecto caba, e hendenan aki ta bay cas, e no tin un siguridad di loon doorbetaling y siguridad di trabao.
Berdad ta pone un persona traha cerca un otro hende, pero e diferencia aki ta caminda cu si ta na un luga cu ta duna
servicio, tin cu ofrece nan un convenio di trabao pa tempo indefini, caminda cu e parti mas importante ta pa duna
loon, garantie y siguridad di trabao specialmente, na esnan cu ta bin di afo. Pesey mes kier a duna un tiki claridad
kico e diferente sectornan aki y trabaonan kico ta e diferencianan y con pa bay om cu esey.
E knelpunt ta sinta na ora cu mester di un hende di afo pa bin traha pabo, caminda cu den nos ley, e maneho ta bisa
cu un hende di afo, no mag di traha segun un uitzendoverkeenkomst. Pero ta bin padilanti cu esey toch ta pasa,
segun Briceño.