Page 2 - HOSPITAAL 29 MAY 2017

President Di Medisch Staff Y Kinderarts, Dr. Wicha

Ponson-Wever: Congreso HCCA Ta Importante Pa

Specialistanan Actualisa Nan Conocemento

 Local
- 28/05/2017

E aña aki lo tuma luga e di 2 congreso di Health Care Conference Aruba, unda cu lo tin
diferente orador cu lo papia rib’e parti di cuido integral. Specialistanan ta traha riba un
tereno di salubridad hopi limita y hopi biaha ta lubida cu pa mehora e cuido medico.

“E ta hopi importante pa mira un tiki mas leu cu bo profesion mes”, asina President di
Medisch Staff y Kinderarts, dr. Wicha Ponson-Wever a expresa.

P’esey ta importante pa nan traha hunto cu otro profesionalnan den salubridad publico y
tambe pa comunica cu nan mas miho. Eynan sigur tin espacio pa mehora cuido aki na
Aruba.E congreso di HCCA ta hopi importante pa Aruba. E ta un congreso unico y
specialistanan tin cu actualisa nan mes continuamente. Tur specialista ta bay congreso
internacional pa update nan mes. Pero e congresonan ey ta mas tanto limita na e profesion
di e specialista mes, kiermen topiconan medico.Pa mehora e cuido, e calidad di cuido na
Aruba, ta importante pa mira salubridad publico y tambe esunnan den posicion di maneho
pa actualisa nan mes rib’e terenonan ey tambe.“P’esey mi ta pensa cu e congreso aki ta
un oportunidad unico pa e specialistanan na Aruba pa nan update nan mes rib’e tereno di
salubridad publico y cuido integral na Aruba”, Dr. Ponson-Wever a remarca.