Page 27 - HOSPITAAL 29 MAY 2017

Jourraine Halabi a cumpli 12.5 aña trahando den Hospital

Sunday, 28 May 2017 20:56
Comparti

Jourraine Halabi-Figaroa ta un “Verpleegkundige” specialisa na Dr. Horacio E. Oduber Hospitaal. El a
cuminsa traha riba piso 4 asina cu a caba su estudio pa “Verpleegkundige A”.
Riba piso 4 a traha 4 aña cu pashentnan di cancer. No tabata facil, door cu mester a guia e pashent y su
famia, pero como nurse tin biaha bo ta haya hendenan hoben cu ta terminal. Asina el a gana experencia
con pa guia pashentnan cu ta terminal y guia e proceso di rouw pa e famia cu a keda tras cu un tristesa
grandi.
Mas o menos 5 aña pasa Hospital a otorg’e un beca pa sigui studia y specialisa como “Verpleegkundige”
di Cuido Intensivo y di Emergencia. E opleiding aki no ta facil door cu ta dos opleiding den otro. Esaki a
exigi hopi dedicacion y sacrificio den su bida specialmente pa su famia. Pero door di perseverancia,
motivacion y amor pa e trabou, el a logra e titulo di “ICU/SEH Verpleegkundige” na Hospital, conoci
tambe como e “Elite –team”.
Jourraine Halabi a splica cu “Tur dia mi trabou ta un reto pa mi door cu ora mi yega trabou , mi no sa
kico ta spera mi. Door di esey mi ta bay tur dia trabou motiva y cu animo pa guia, yuda y salba bida di
hende. Tambe pa duna palabra di consuelo y aliento na e ser humano cu ta pasando den momentonan
dificil”.
Como un “verpleegkundige” specialisa bo tin hopi otro tareanan importante por ehempel si presenta un
situacion inespera, mester actua mesora. Abo ta wowo di e dokter. Cu otro palabra bo ta e man drechi di
e dokter.
Enfermeria ta un trabou valioso, door cu tur dia bida di hende ta den bo man. Trabou di enfermeria ta
encera cu tur hende ta haya e mesun trato sin distincion di rasa, sexo, religion y cultura. Tur hende ta
igual!
Por ultimo dos observacion: Si bo ta sinti vocacion pa cuido di un ser humano y bo kier contribui tambe
na cuido di bo pais: E miho trabou ta enfermera/o.
“Mi ta desea tur esunnan cu a cumpli 12.5 aña, 25 aña, 35 aña y hasta 40 aña den servicio di Dr. Horacio
E. Oduber Hospitaal, hopi pabien pa e trabou cu nan ta haciendo y hopi forsa pa sigui.
“I love being a nurse for many reasons- mostly because it has brought me in to the lives of people whom I
wouldn’t have met if I weren’t a nurse. Some of the most interesting people I have ever met came into my
life because I’m a nurse.’’