Page 27 - HOH
P. 27
Parlamentario Alan Howell (POR) Ta Importante Pa
Haya Sa Ken Ta Para Responsabel Pa Loke A Pasa
Na Hospital
Local
- 26/09/2019
Parlamentario Alan Howell durante encuentro den sala di Parlamento cu tur actor den e
proceso di renobacion y ampliacion di hospital a presenta diferente pregunta relaciona cu
e problemanan cu a tuma lugar recientemente debi na un tiki awacero cu a cay riba nos
isla.
El cuminsa bisa cu loke a pasa na hospital ta algo inaceptabel, cu no ta un horcan a pasa
riba Aruba sino un yobida chikito y esaki tabatin un efecto asina grandi y ta pesey mes
pueblo kier haya sa ken ta responsabel pa loke a pasa.
E lo kier haya sa tambe con e relacion ta entre e actornan di e proyecto? Esaki pasobra ta
increibel cu instancianan di e caliber di e actornan di e proyecto ta bay den publicidad y
punta dede riba otro y aparentemente no kier carga e responsabilidad di loke ta pasa.
Un otro pregunta realisa dor di Howell ta si a tuma precaucionnan p’e tipo di casonan aki
no sosode mas?
