Page 34 - HOH
P. 34
El cuminsa bisa cu loke a pasa na hospital ta algo inaceptabel, cu no ta un horcan a
pasa riba Aruba sino un yobida chikito y esaki tabatin un efecto asina grandi y ta pesey
mes pueblo kier haya sa ken ta responsabel pa loke a pasa.
E lo kier haya sa tambe con e relacion ta entre e actornan di e proyecto? Esaki pasobra
ta increibel cu instancianan di e caliber di e actornan di e proyecto ta bay den
publicidad y punta dede riba otro y aparentemente no kier carga e responsabilidad di
loke ta pasa.
Un otro pregunta realisa door di Howell ta si a tuma precaucionnan pa e tipo di casonan
aki no sosode mas?
Alan a bisa cu loke a pasa cu e tiki yobida ta afecta e pacientnan tambe, nan mester
sinti nan mes sigur y confortabel den hospital y lo desea di sa for di hospital con lo bay
haci pa den futuro e pacientnan aki no pasa den e mesun situacion aki?
Concluyendo el a puntra con gobierno actual ta bay haci si tin cualkier
malcomprondomento entre e diferente actornan, pa trece un bon cooperacion entre nan
na bienestar di e proyecto di hospital?
https://www.diario.aw/2019/09/ta-importante-pa-haya-sa-ken-ta-para-responsabel-pa-loke-a-pasa-na-
hospital/
