Page 5 - AWEMAINTA

Diamars, 27 November 2018 AWEMainta 5

Lo bay opta pa un proceso di RFI pa

yega na disponibilidad di un helicopter

MINISTERIO di Husticia lo bay opta pa

un proceso di Request for Information (RFI)

pa yega na disponibilidad di un helicopter.

Mirando cu e destaho publico lamentable-
mente no a produci ofertanan valido cu ta

cumpli cu tur e exigencianan conforme ar-

ticulo 18 di ley di Contabilidad of cu ta pas
den e cuadro financiero disponibel, e proceso

di destaho publico a ser termina a base di

articulo 19 di ley di Contabilidad y articulo-
nan 8.3 y 9 di e Terminonan di Referencia. A

publica esaki na manera prescribi den Land-

scourant y tur participante a wordo informa
di e desishon. Ta gradici nan pa a participa

na e proceso.

Mirando cu e demanda pa e servicio pa dis-

ponibilidad di un helicopter, den cuadro di
patruyahe y seguridad di frontera y tur rond

riba di nos isla, ta keda un necesidad indud-
ablemente urgente debi na e situacion den

region, lo bay opta pa conforme articulo

8.3 menciona pa un proceso di Request for
Information (RFI), uno similar cu a wordo

inicia exitosamente pa e radar, pa asina mas

pronto cu ta posibel por dispone riba e ser-
vicio di un helicopter pa KPA. Lo invita via

anuncionan publico pa participa na e RFI,

y lo informa tur cu a participa na e destaho
publico di e RFI, pa si tin deseo di participa.

E proceso di radar di otro banda ta practica-

mente cla a base di e proceso exitoso di RFI,

y ta premira cu a corto plaso por tuma un
desishon y yega na e servicio di un radar pa

KPA.