Page 33 - AHATA
P. 33
Prome avion di JetAir Caribbean a yega
Corsou pendiente nan AOC
Posted on 03/21/2019 10:33 am AST | Updated on 03/21/2019 10:34 am AST
WILLEMSTAD – E prome avion Fokker 70 di JetAir Caribbean a aterisa na aeropuerto
Hato Corsou diaranso anochi. Asina e compania a informa diahuebs pa medio di un
comunicado. E avion ta un ex KLM cityhopper, cu capacidad di 80 stul. JetAir lo opera
bou di licensia di United Caribbean Airlines, un operador existente caba. E aeroliña ta
den proceso di haya su Airline Operating Certificate ( AOC), y ta spera di haya esaki na
luna di april pa por cuminsa cu nan actividad commercial. Nan lo haya nan di dos avion
Fokker 70 otro luna tambe y lo fungi como un avion di reserva. No ta conoci si e aeroliña
aki mester bira e ‘reemplazante’ di InselAir international cu recientemente a keda declara
bancarota.
