Page 29 - AHATA

Aruba Su Prikichi Ta Un Especie Protegi Pa Ley Y

Nan Ta Na Peliger Di Extincion

 Featured
- 16/05/2019

E Prikichi ta forma parti di nos naturalesa y cultura pa hopi aña. Mescos cu varios otro
fauna local, e ta un sorto endemico di Aruba y unico na mundo. No ta por nada cu su
nomber scientifico ta Aratinga Pertinax arubensis.
Cada dia nos ta mira menos Prikichi ta bula rond. Tin caminda unda antes tabatin hopi, ya
nos no ta mira nan mes mas, manera na Rooi Prikichi. No ta por nada e lugar tin e
nomber ey.

Eynan tabata e lugar di biba di prikichi. Un neishi completo di Prikichi ta consisti
mayoria biaha di 8 Prikichi: mama, tata y 6 yiu. Departamento di Naturalesa y Medio
Ambiente (DNM) kier pone enfasis riba kico a pone cu e cantidad a baha y kico por haci
pa yuda e especie aki sobrebibi.

Tin varios motibo dicon e cantidad a bira menos p.e.: Dor di rosamento di hopi mondi,
sin haci e inventarisacion necesario prome, pa construi y expande proyectonan di hotel,
cas y caretera di dobel via; e Boa, cual ta un especie invasivo cu ta causa hopi daño na
varios especie endemico.

E boa ta come e webo of e Prikichi mes tambe. Pushinan cu ta cana liber rond abandona y
sin doño y cu hamber por ta un peliger p’e Prikichi.