Page 69 - JUS JAN 12

Combatimento di terorismo tabata parti di e temanan y
presentacion durante Justitiele Overleg

Wednesday, 11 January 2017 23:16
Comparti

Un tema atendi tambe durante e Justitiele Overleg ta combatimento di terorismo cu a haya basta
atencion na e presentacion cu a wordo duna pa un grupo di experto
cu a haci un analisis di e situacion pa loke ta trata nos region. A keda palabra cu e servicionan secreto,
den e caso aki di e veiligheidsdienst lo sigui cu e trabao aki y cu lo bay amplia e cooperacion cu diferente
partido pa asina optimalisa e aspecto preventivo den e area aki. Tin cu bisa cu ta conciente di e risiconan
cu ta wordo cori den e areanan aki y esey tambe ta buta cu tur hende unanime den e pensamento cu e
cooperacion/mehoracion di e control na frontera. E uzo di sistemanan automatisa pa asina ey por limita
e risico cu ta bin e pais di frena asina ey of lanta e weerstand den bo pais, cu esey mester mas atencion,
segun minister Dowers.
Otro temanan
Pa loke ta trata otro temanan ta temanan cu a bin dilanti, entre nan presentacion di e jaarverslagennan di
raad voor de rechtshandhaving, cu no solamente ta trata di pais Aruba, sino Corsou y St. Maarten. A
papia tambe riba e tema di prizon, cu tin bastante atencion pa e cooperacionnan entre diferente
prizonnan y directornan cu otro. E PGnan tambe ta haciendo un esfuerso akinan pa mehora pa loke ta e
posibilidad di detencion di e diferente paisnan. A palabra tambe e onderlinge regeling cu tabata un
producto cu a sali for di e JVO, cu a wordo evalua den e periodo nos dilanti. A keda palabra cu tur pais lo
lever un hende pa participa den esaki y cu e PGnan tambe cu lo participa na e evaluacion. Pa loke ta
responsabilidad, lo bira e persona cu ta ocupa su mes, esta e secretaris JVO lo haci e iniciativa pa por
haci e evaluacion aki, segun minister Dowers.