Page 8 - JUS JAN 12

Jeannot de Cuba nombra Decano di Asociacion di Abogadonan di Aruba Print E-mail

Thursday, 12 January 2017 13:44

Comparti

011217jeanot

Algun siman pasa caba e asamblea general di Asociacion di Abogado (“OvA”) di Aruba a scoge un
directiva nobo consistiendo di Mr. J.M. (Jeannot) de Cuba como Decano,

Mr. M. Arlene Ellis-Schipper como Vice-Decano, Mr. Caroline J. Hart como Secretario,

Mr. Jurima A.R. Bryson como Tesorero y Mr. Hose (Jomar) G. Figaroa como Comisario.

OvA tin actualmente un total di 87 miembro y tin como obhetivo pa determina y mantene reglanan
relaciona cu abogacia, representa, promove y proteha e interesnan di personanan cu ta brinda
asistencia legal como profecion, cuido di calidad di e servicio y un bon administracion di husticia.
Ademas e statuto di OvA ta encargaOvA cu conserva derechonan humano y asistencia legal adecua.

For di algun tempo caba tin un Ordenansa di Abogado nobo diseña, a base di cua OvA, mescos cu na
Hulanda, por haña e autoridad pa impone reglanan pa e miembronan, riba tereno di educacion
profesional y practica diario den un sentido amplio. E directiva lo haci esfuerso pa pone e Ordenansa aki
bek riba e agenda politico cu e expectativa cu Parlamento lo trata e Ordenansa aki pronto. E directiva
nobo tambe lo hinca nan empeño pa yega na un mihor sistema di asistencia financerio legal pa esnan di
menos recurso den asuntonan penal y alabes civil.

Finalmente, e directiva lo keda vigila y keda atento riba e calidad di (aplicacion di) husticia y conserva
derechonan humano.