Page 88 - JUS JAN 12

Un hende cu ta AO mester presenta na SVb y por wordo
evalua y controla pa e dokternan presente

Wednesday, 11 January 2017 23:05
Comparti

Pa loke ta e forma cu ta atende cu AO, na momento cu un persona ta AO, e tin cu presenta na SVB e
dokter na SVB por samina e persona pa determina si e persona ta AO
, si loke e ta bisa cu tin como keho realmente e tin. E dokternan di SVB ta sigui curso regularmente. Nan
ta update nan mes, principalmente den forma di comunica y evalua. Personanan cu tin cierto malesanan
tambe mester a presenta cu documentonan si nan ta wordo trata door di un specialista. Mester presenta
e documentonan pa e dokter evalua e funcion. Un cos hopi dificil di un dokter su posicion ta, ta e
obligacion di secrecia cu e tin cun'e. Por lo tanto por bisa tin biaha, como doño di trabao, ta mira un
persona y no sa precies kico e persona tin y nunca lo haya sa tampoco. E dokter nunca por sali defende su
mes tampoco riba e decisionnan cu e ta tuma, solamente ta confia, tin e confiansa cu entrenamento cu
nan ta ricibi tanto na nan universidadnan pero tambe loke SVB ta facilita, ta ocupa nan cu suficiente
conocemento cu na momento cu determina cu un persona ta incapacita pa trabao ta realmente pasobra e
persona realmente ta incapacita. Si mira e cifranan di absentismo den sector priva na Aruba, e ta bao di e
normanan internacional di 3%. Mester ta toch basta satisfecho mirando cu ta ease y drentando den e fase
avansa di embehecimento. Hunto cune e epidemia di malesanan cronico, cu ainda e cifranan di AO den
sector priva, promedio ta bao di 3%. Tin cierto sectornan cu e ta poco mas halto cu e promedio, pero tin
cu analisa cada sector apart y pa determina precies kico ta pasando. E proximo añanan of di awor aki
caba, ta cuminsa dedica hopi atencion na con por preveni e malesanan cronico, pa asina por keda tin
trahado na pia di trabao, cu ta saludabel y cu por duna di nan parti den dje.
E problema di epidemia di malesanan cronico ta algo cu socialmente e ta asina. Nos mes a percura pa e
pais ta yena cu fastfood, cu cuminda yen di sali, cu tin sucu pa come. Nos cultura tambe, ta gusta come
gusta come zoet, etc. Obesidad tambe ta un problema. Tin un tarea eynan como pueblo, como pais pa
haci maximo pa trece cu cambio den e direccion aki. Si e continua manera cu e ta bayendo e efectonan, e
peso cu ta pone riba e generacionnan cu ta bay bin ta un peso sumamente grandi. E generacion cu ya ta
den e fase pa bay, no ta desea di laga pa nos yiunan e peso cu no kier pa nan a laga pa nos ora nos
grandinan a bay nos dilanti. Tin un trabao eynan y tin pleno confiansa cu na final di dia lo atende esaki
na un forma mas apropia posibel, segun Edwin Jacobs.