Page 71 - MIN CROES DEC 20

Minister Paul Croes ta gradici Marriott CARE Foundation,
boluntarionan di FPNC y celebridadnan local

Monday, 19 December 2016 18:07
Comparti

Dialuna merdia a tuma luga un evento hopi special den ballroom di Marriott Resort; un momento den
cual bo ta realisa cu e recurso di mas grandi cu un pais por tin, ta su hendenan. Un grupo di casi 100
mucha a haya almuerso pero tambe regalo y entretenimento. Esaki ta un iniciativa di miembronan di e
Marriott Care Foundation cu ta e propio trahadornan.

E organisacion a scoge pa traha cu Fundacion Pa Nos Comunidad y a invita celebridadnan local pa sirbi e
cuminda pa e invitadonan. Minister Paul Croes tabata e privilegio di por tabata presente y duna un man,
pesey tambe tin hopi palabra di gratitud y pabien pa duna na tur esnan responsabel. “Un evento sigur
hopi bunita na unda e fondo di marriott di trahadornan un bes mas ta duna bek na comunidad,” asina
Minister Croes a expresa na final di e celebracion. E ta gradici e 1.100 trahador di Marriott cu ta forma
parti di CARE Foundation, e celebridadnan manera Ivo Yanez, Ronchi de Cuba, entre otro cu a duna un
man pa haci e ocasion ainda mas special. Un gratitud special ta bay pa Fundacion Pa Nos Comunidad su
directiva, empleado y boluntarionan cu durante henter aña ta traha incansabelmente pa brinda un sosten
na esnan den mas necesidad. Gabinete Mike Eman ta subsidia e fundacion cu gastonan di personal y
edificio y asina mes e contribucion di instancianan manera CARE Foundation y di comunidad en general
ta sumamente balioso.