Page 23 - VOS

grandi y por bisa cu ta hopi adres. Hopi di nan ta dehado. Por ehempel un

compania di construccion tin diferente baki y kerosin cu no ta wordo uza y ta

benta riba tereno, patras di e edificio y caminda grandi, no ta tuma nota di

esakinan, pero full e bario tin molester. Esaki ta e parti proactivo cu GKMB ta

move den e diferente barionan y ta tuma nota di esakinan. Nan ta trece paden y

sigur tin diferente adresnan cu tin cu wordo bishita, cu ta casonan extremo, cu

eenmaal tin cantidad di criadero, causando problema pa salud publico en

general, sigur conta cu e bishita pa mas cu djis un advertencia, cu tin cu

cuminsa pasa, segun Clayton Croes.

DIA MUNDIAL DI RIÑON CU TEMA DI
OBESIDAD Y RIÑON

March 7, 2017 Leave a comment

Oranjestad, 7 di maart 2017- Dia 9 di maart ta conoci como ‘Dia Mundial di
Riñon’ y na Aruba Plataforma Promocion di Salud, den cual tin representacion di
Departamento di Salud Publico, IMSAN, WGK, IBiSA, hospital, SVB, AZV y un
dokter di cas, tambe ta para keto riba e dia aki.

E dia aki tin como meta conscientisa tocante e malesanan relaciona cu riñon y
importancia di nos riñon pa nos salud. Tema di e aña aki pa Dia Mundial di Riñon
ta pa informa y promove educacion relaciona cu e consecuencianan negativo di
obesidad y su asociacion cu e malesanan di riñon. Door di promove un bida mas
saludabel y activo por evita cu malesa di riñon por desaroya.

Obesidad, cu ta sobrepeso grave cu peliger pa salud – expresa den un BMI riba
30 – a bira un epidemia mundialmente y ta wordo proyecta pa crece cu 40% pa
e siguiente decada. E tendencia aki ta nifica tambe mas riesgo pa haya diabetes,
esta malesa di sucu, malesa di curason y ader y tambe malesa di riñon. Obesidad
ta un di e factornan di riesgo mas fuerte cerca pashentnan nobo cu malesa di
riñon. Cerca un persona obeso tin un asina yama hiper (extra) filtracion di e
riñon pa compensa e peso di curpa di mas. E extra esfuerso aki por daña e riñon
cu tempo. E cantidad di malesa di riñon, como consecuencia di obesidad, a crece
10 biaha mas hopi den e ultimo añanan. Ademas obesidad ta un di e factornan di
riesgo pa haya cancer di riñon.