Page 80 - VOS

Theo de Kool den MOB nobo: Mirando 40 aña cu a pasa:
Ainda hospital ta marcando pasonan grandi

Tuesday, 07 March 2017 21:43
Comparti

Durante un conferencia di prensa pa loke ta e edificio nobo di hospital, Theo de Kool, kende ta
miembro di raad van bestuur di Hospital dr. Horario Oduber, a menciona cu ta para keto y bay den
historia 40 aña pasa, caminda cu e hospital a drenta den servicio.

E edificio ta mustra mescos cu antes y ta den un calidad excepcional. E beton no por kibr’e y ainda
por haci uzo di dje. Fuera di esey tin algun otro caso cu a cambia durante tempo.

E hospital tabata un paso enormemente grandi. A bin for di e edificio di San Pedro di Verona na
Playa y ainda ta duna cuido door di zusternan, cu un tinte religioso. Tabata tin un cantidad chikito di
dokter, mas of menos 20. Si tabata tin algo mas serio ta pasa cune, e pashent mester a warda te ora
cu un dokter bin for di exterior, of e mes mester a tuma e paso ey.
Antes, e hospital tabata tin 282 cama y awendia tin mas of menos 288 cama, excluyendo esunnan di
PAAZ. E ta practicamente mesun cos. E diferencia ta cu ta haci hopi mas na investigacion, na
preparacion di e pashentnan. E ora por mira cu cuido a haci un paso hopi grandi. E pasonan aki ta
wordo haci ainda. Ainda tin mas specialista ta bin acerca. E specialistanan ta bay den subspecialismo
y ta nifica cu como hospital, como edificio, caminda cu e specialistanan ta traha, mester ta prepara.
No solamente pa loke ta edificio, pero tambe loke ta trata personal y tambe aparatonan y esey ta e
paso grandi cu nan lo bay dal atrobe.

E hospital, esta e edificio actual, cu ainda ta duna bon cuido, ta demasiado chikito y pesey a cuminsa
cu e proyecto tres aña pasa hunto cu SOGA y pais Aruba, pa asina haya un compleho di hospital, cu
ta dos biaha mas grandi.

Tin hopi pa haci segun de Kool. Pa e personal ta fastioso y e pa e pashent tambe, pa mira unda nan
mester ta. Tin tur sorto di overlast, stof, desordo, di tur tipo di material cu ta den caminda. Pero e
edificio aki, eigenlijk ta e prome paso grandi padilanti. Esnan cu ta drenta paden, ya tin otro
expectativa, pero si ta mira cu ta nobo. Loke ta nobo ta duna entusiasmo nobo. Ta importante pa e
organisacion, cu tin hopi hende ta traha pe, cu tin entusiasmo y cu e yamada pa yuda e pashent na e
manera di mas miho, pero mester di e maneranan necesario y un di nan ta e edificio. E edificio
actualmente lo bay wordo uza temporalmente.
Den e piso abao di e edificio, tin algun facilidad cu lo wordo uza directamente pa e pashent. Por
ehempel Wondenpoli, screening y e functiekamers, longfunctiekamers, etc. lo wordo ubica eynan.
Pero esaki ta e prome paso grandi den direccion pa mehoracion di servicio door di un edificio nobo.
De Kool ta haya hopi bon pa duna un tiki atencion. Por mira bek na 40 aña atras, den e uzo di e
edificio bieu. E casco, e beton lo wordo bon uza. Lo bay bin un laag riba dje, e inrichting lo wordo
cambia. Lo bay bin un infrastructura di IT den dje. Tur cos lo bay mehora. E edificio mes, sigur lo