Page 12 - AM181124

12 AWEMainta Diasabra, 24 November 2018

MEP ta recorda estadista Betico Croes kende a

logra haya e cantidad record di 10.506 voto

DIALUNA awor 26 di November nos ta recorda cu 32

aña pasa nos Libertador Betico Croes, despues cu el a keda
11 luna den coma debi na un accidente tragico riba Bispo di
aña 1986, a fayece na Utrecht, Hulanda. Siguramente esaki
tabata un golpi duro pa henter comunidad Arubano y te dia

di awe un gran parti di nos pueblo ta yora su partida for di e
mundo aki.
Durante trayectoria di su bida Betico Croes a hiba un lucha
tenaz pa saca Aruba for di e constelacion Antiyano y cual

lucha no tabata uno facil, pero Betico Croes den apenas 12
aña (1971-1983) a logra nos Status Aparte y pa cual otro
politiconan grandi den pasado tambe a lucha pa decadanan
largo sin por a logra esaki.ww

Nos Libertador por a hiba e lucha aki exitosamente y esaki
tabata danki na e union cu el a fomenta den henter e comuni-
dad Arubano y principalmente tambe na e hecho cu durante
henter su trayectoria politico el a goza di un sosten abruma-

dor di su votadornan cu a aclam’e como nan gran lider. Asina
nos por mira con den su prome salida riba lista di MEP cu el
a funda na 1971, el a obtene un cantidad di 3389 voto di e
pueblo Arubano.

Y asina el a sigui crece den popularidad y voto y tabata den
e eleccion na aña 1983, e gran politico vote-getter aki a ob-
tene e record inigualabel di voto riba su nomber, esta 10.506
voto. E cantidad di votonan aki tabata e reconocemento di

mas grandi cu Betico Croes por a haña di su pueblo, ya cu e
pueblo tabata consciente y gradicido cu su persona tabata e
heroe indiscutibel durante e conferencia di Mesa Rondo na
maart 1983, caminda cu el a logra e ideal y soño di su pueblo,

esta e Status Aparte entrante 1 di januari 1986: De kogel is
door de kerk.

Den e siguiente comunicado dialuna awor partido MEP lo

amplia riba e trayectoria impresionante di e gran estadista
aki.