Page 13 - BNDIA A RUBA
P. 13
a13
riba caya Diahuebs 20 December 2018
Persona agredi banda
di hotel
ORANJESTAD - Diamars atardi, entre Marriott Hotel
y Ritz Carlton a sosode un problema, unda un persona
a keda agredi door di otro persona cu un obheto.
E persona tabata sinti dolornan na su curpa, y pa e motibo aki
ambulans a presenta y paramedico a atende cune.
Polis tabata presente pa tuma dato y recherche a keda notifica.
Homber a lanta cu famia den cas na Safir y causa destruccion
ORANJESTAD - Diamars anochi, na un cas na Safir,
un homber a lanta cu e famia den cas y cuminsa causa
destruccion.
E homber tabata basta razo cu e famia, y nan no tabata por a
controla esaki. A yama polis, unda patruyanan a acudi na e si-
tio basta lihe y drenta accion. Asina polisnan a logra di detene
e homber, maske e tabata basta agresivo. Transportwagen a
presenta y bay cu e homber warda.
Auto a drenta saliña na
Rooi Frances
ORANJESTAD - Den e birada di Rooi Frances pa Sa-
bana Basora, diaranson merdia, un chauffeur den un
Hyundai Getz a perde control tras di stuur, y baha e
caminda y drenta e saliña impacta contra e matanan.
No tabata tin ningun persona herida, pero e daño material na
e auto tabata considerabel. Polis di trafico tabata presente pa
tuma dato, y un takelwagen a keda encarga pa saca e auto for
di e saliña.
