Page 30 - AHATA

Knops ta na Aruba otro siman pa toca

e.o. finanzas publico

Posted on 03/31/2019 9:37 pm AST | Updated on 03/31/2019 9:42 pm AST

ORANJESTAD – Ora cu Secretario di Estado Hulandes Raymond Knops bishita Aruba
otro siman diadomingo pa dos dia, e tema di finanzas publico lo ta halto riba su agenda.
Hunto cu ne lo tin minister di Relacionan di Reino Kajsa Ollongren e lo bishita Aruba (y
otro islanan di Caribe Hulandes) durante 4 dia . Fuera di finanzas publico, e temanan cu
Knops lo atende, ta e situacion na Venezuela y tambe algo di desaroyo economico. No ta
conoci si lo trata e tema di CAFT, aunke esey ta parti di e finanzas publico den sentido cu
CAFT ta e colegio di supervision financiero cu e tarea pa vigila e presupuesto cu tin cu
tira bista asina riba e gastonan financiero. E ley di CAFT no ta pasa ainda, y esey ta un
problema, aunke cu gobierno a bisa caba cu pa april ta premira cu esaki lo tin cu yega
Parlamento pa pase. Na final di e bishita, lo tin un conferencia di prensa otorga pa e
mandatarionan Hulandes. IMF a bishita Aruba recientemente y e siman entrante lo
divulga nan raport riba e bishita aki. Ademas tin un ley cu tin cu pasa awor pa kita Aruba
di e lista preto di Union Europeo pa loke ta paisnan paraiso fiscal, aunke cu Hulanda mes
a haya su mes sirbi cu un anotacion similar pa e comision Europeo siman pasa.