Page 39 - MIN ARENDS

presentacion na e miembronan di Parlamento, na e comision di Optimalisacion
di Parlamento y aki tambe duna presentacion con leu ta, kico a wordo haci. Por
ehempel, cada aña mester upgrade e sistema di software, cual parlamento ta

bezig cu esey.
Sra. Wyatt- Ras ta splica cu e gastonan di digitalisacion ta basta halto.

Importante ta cu e meta ta tambe caminda cu ta mobilidad di e sistema,
caminda e miembronan di Parlamento na su cas mester haya e documentonan.

E intencion ta pa perfecciona esaki. Tambe lo mester amplia e website mas
ainda. E idea ta tambe cu mester haya feedback for di Parlamento pa yega na

un vision mas dirigi na pa loke ta trata digitalisacion.
Ya caba tin dos reunion andando y lo continua cu esaki, haya input pa wak con
lo sigui cu e proceso aki di digitalisacion.

E sistema aki lo pone cu awor via telefon caba e parlamentarionan pa por haya
sa tur carta , documentonan cu ta drenta pa e parlamentario por haya sa kico

tin. E parlamentario seguramente lo beneficia di dje pa haya su stukkennan mas
lihe posibel. Y tambe caminda cu ta bay haci menos uzo di papel, compara cu

antes. Pero awora ta bay via bo telefon ta wak e diferente oproepingnan, pa
reunionnan . Y e ta bay hopi mas lihe tambe.

Segun Presidente di Parlamento, awor un oproeping ta bay digital y ta bay hopi
mas lihe. E ta un bentaha pero si mester sigui upgrade e sistema. Si no tin
suficiente siguridad, of suficiente velocidad y tur esaki e comision ta bezig

cun’e. Ta spera cu e miembronan di Parlamento despues ta duna nan opinion,
pero na momento cu ta den reunion, e atendencia por ta mas miho, ya cu nan

por bin haci nan pregunta y asina yuda optimalisa e sistema.
E carta di CAFT simplemente no a drenta Parlamento. Na momento cu un carta

drenta Parlamento mes y esey no tin nada di haber. Ta jammer cu esey a bay
asina y cu tin un sistema hopi eficiente. E parlamentario no a acerca e

Presidente di Parlamento pero a asumi den prensa, segun Sra. Wyatt- Ras.