Page 3 - WEB
P. 3
Poco dia pasa a mira basta publicacion cu Polisnan ta haciendo un proyecto cu huma di
auto cu ta daña medio ambiente. Tambe a enfoca cu e ta malo pa salud di hende.
Mientras cu tur esey ta sosode pa nan rond af e proyecto di opleiding, pa ultimo tres aña
tin gritonan di trahadornan na ASTEC riba waf di Barcadera cu ta wordo molestia
practicamente diariamente.
E huma di WEB ta asina molestoso cu e trahadornan na ASTEC mester para e trabou. Na
dado momento nan tabata tin un sindicato STA cu a haci masha fanfaria cu boca grandi.
E lider sindical tabata grita y hunto cu e demas miembronan di UPA hasta a blokia
entrada di waf varios biaha. Mientras cu STA a haci puro show den gobernacion anterior,
awe trahadornan di ASTEC ta wardando lunanan largo pa Diego de Cuba bolbe na waf di
Barcadera. Nada te cu awe. STA ta purba core pa evita protestanan y malcontento pa
incumplimento di gobierno na mando. Gobierno cu a acomoda Diego pa varios luna bou
di nan hala ter beschikking. Barconan cu ta drenta waf mainta pa baha carga y bay
anochi, ta keda te marduga of hasta siguiente dia prome cu nan por caba e trabou di baha
y subi container.
