Page 19 - FDLP

A20 DEPORTE
Diahuebs 13 December 2018

Brazil Taekwondo a celebra cena di Pasco cu Minister Romero

ORANJESTAD - Diamars ultimo, Brazil Taekwondo
Stichting a celebra nan Cena di Pasco den presencia
di minister Chris Romero. E team di ‘Train Hard Fight
Smart’ tabata super contento di por a celebra nan Cena
di Pasco hunto cu sr. Romero, kende a tuma parti di su
tempo pa asisti na e Cena di Pasco di e team di ‘Train
Hard Fight Smart’ den Centro di Bario Brazil.

Segun un comunicado di prensa, for di momento cu sr.
Romero a drenta Centro di Bario Brazil, Alberto Klabér a
bis’e cu e tin un sorpresa pa su persona. Sr. Romero a hiba
bunita palabra di elogio na e team pa tur nan logronan inter-
nacionalmente. Sr. Romero a felicita prensa presente pa nan
apoyo y pa nan trabou cu nan ta haciendo. Alberto Klabér a
presenta sr. Romero e team di Cadet cu ta preparando pa e di
8 TK5 na Surinam. Aruba tin 7 aña consecutivo ta gana e copa
na Surinam. Sr. Romero tabata hopi contento di por a topa cu
e team di cerca, y a saca potret hunto cu e team.

Despues di e slide show di Brazil Taekwondo Stichting, traha
door di Ivan Jansen di Noord Taekwondo Center, sr. Klabér a
yama sr. Romero pa dilanti y Willy Willems a splica mas di e
metanan di Brazil Taekwondo Stichting y a entreg’e e potret
cu a wordo saca e anochi ey mes, hunto cu e team, door di sr.
Klabér.

Sr. Romero a keda masha sorprendi di con lihe esaki a wordo
haci. Sr. Willems a bis’e cu Brazil Taekwondo Stichting kier
a entreg’e e sorpresa unico aki pa su sosten y su presencia na
e Cena di Pasco di Brazil Taekwondo Stichting, pasobra esaki
ta prome biaha cu un minister a celebra Cena di Pasco hunto
cu nan. Na final di e anochi, a laga sr. Romero haci entrega di
un premio na Záhyon Klabér, kende a sali atleta di aña 2018.