Page 12 - KPA 29 MAY 2017
P. 12
WESTSTRAAT CU PROFESSOR
LORENTZSTRAAT
May 28, 2017 Admin Uncategorized Leave a comment
Oranjestad: Diadomingo den oranan di marduga ta sosode un boksmento cu
hopi daño material riba e crusada Weststraat cu Professor Lorentzstraat, mesora
a pidi pa presencia di polis.
Na yegada nan ta bin topa cu un Ford S.U.V. cora y un Honda cora scur, ambos
cu basta daño material. E Ford S.U.V. tabata bayendo riba Weststraat, direccion
nort y no a duna preferencia na e Honda cu tabata biniendo di pabou riba
Professor Lorentzstraat bayendo direccion pariba.
E impacto fuerte a pone cu e Honda a bay pega te riba na e muraya di e cura di
cas bandi pariba. E daño material tabata hopi, pero niun persona a resulta
herida.
SOSPECHOSO DI LADRONICIA TA KEDA
DETENI DESPUES DI UN PERSECUSION NA
PIA
May 28, 2017 Admin Uncategorized Leave a comment
Oranjestad – Diadomingo den oranan di marduga polis ta wordo manda cu
urgencia na Renaissaince Ocean Suites pa un persona cu lo caba di horta na e
hotel y e tabata canando bayendo direccion di Lagoenweg.
Despues cu polis a ricibi su descripcion y a bay su tras, banda di e edificio di
D.A.S. e sospechoso lo a cambia su paña, pero despues di un persecusion na
pia polis a logra topa cu e sospechoso, na altura di Departamento di Registro
Civil y Censo.
Mesora ela keda deteni y a wordo transporta pa warda di Polis.
