Page 9 - ARUBA AIRLINES 7 JAN 2017
P. 9
4 AWEMainta Diasabra, 7 Januari 2017
Cinco morto y diestres
herida den tiramento
na aeropuerto di
Fort Lauderdale
FLORIDA – Aeropuerto na Fort Lauderdale tabata bou tension
pisa ayera merdia ora un tiramento a tuma luga paden, caminda
por lo menos cinco persona a perde nan bida, y un otro diestres
persona a keda herida.
E prome yamada di e tiramento a drenta alrededor di 12:55pm di
diabierna, 6 di januari.
Un noticiero a describi e escena como un “zona di guera” cu tur
hende gritando y coriendo pa nan bida. E tiramento a cuminsa den
e area di busca ekipahe den Terminal 2.
Parti di e aeropuerto a wordo evacua inmediatamente.
Oficialnan a confirma cu e tirador a wordo deteni y ta bou custodia.
E tirador a wordo identifica como Esteban Santiago naci na New
Jersey di 26 aña di edad.
Segun reportenan, e sospechoso a baha di un buelo for di Canada
y a saca su arma den e area di busca ekipahe y cuminsa tira riba e
pasaheronan, y no a stop te ora municion a caba.
Despues el cana bay na Porta 2, pone su arma riba suela y pone su
curpa abou wardando su detencion.
Mientras tanto, e aeropuerto a permanece cera pa investigacion y
buelonan pa aterisa a wordo retrasa of desvia.
