Page 65 - ECEM JAN 23

Camilo Bolaños: Hyatt Place ta un di e marcanan cu mas ta
creciendo den Latino America y Caribe

Sunday, 22 January 2017 11:03
Comparti

Nos a papia cu Camilo Bolaños, kende ta Vice presidente di desaroyo di Hyatt Hotel Latino America y Caribe, kende
ta conta di e presencia di Hyatt Place na Aruba. Hyatt caba ta conoci na Aruba.

Nan tin mas di 20 aña di ta na Aruba cu Hyatt Regency, cu ta un hotel cu tabata tin hopi exito. E ta un icono di
destino y ta duna nan hopi gusto pa suma un di dos hotel, cu e marca Hyatt Place, cu ta un di e marcanan cu mas ta
creciendo den Latino America y Caribe. Ta su marca Upscale den e segmento select service. E ta un hotel hopi
compact, hopi eficiente, hopi moderno, cu hopi estilo di cual cu ya nan tin 270 hotel habri na nivel global. Nan ta
presente den tur continente y obviamente, e ta un marca cu tin hopi atractivo pa e inversionista pa su rentabilidad
halto di con e ta funciona operativamente y e fluho cu e ta genera. E ta perfecto pa un desaroyo manera esaki cu tin
hopi otro componente cu ta integra y ta haci cu tur cos ta funciona hopi bon conecta cu e restaurant, cu oficinanan y
hopi di e hotelnan di Hyatt Place cu nan tin, parti di su desaroyo cu ta mixto.

Tin algun Hyatt Place cu ta cerca di aeropuerto. Tin algun hotel na Merca cu ta cerca di aeropuerto. Tin algun ta den
destinonan den ciudad, cerca di complehonan manera universidad. Tin hopi cu ta den metropolisnan grandi, di halta
densidad unda cu tin cu traha un hotel hopi halto, den un footprint chikito.

Prijs

Tin diferente concepto di hotel. Hyatt Regency ta un resort di gran escala, cu tin aparte, tin bar y restaurantnan
multiple y hopi enfoca riba tema di leisure, e biahero vacacional. E hotel aki lo bay tin un poco di e mescla di
negoshinan corporativo, negoshi di aeropuerto, tambe un poco di clientenan cu vakantie. Pero e diversidad di tarifa
ta importante. Ta un hotel enfoca pa un estadia mas cortico. Lo bay tin un gap importante entre e marcanan aki.

Exigencianan

Segun Bolaños, ora cu ta trahando riba un proyecto y den tur fase, desde permisologia y diseño, ta tuma tempo. E
ekipo di diseño di Hyatt a traha di cerca cu e desaroyador cu ta haci un bon kimica pa un gran proyecto, el a finalisa.