Page 7 - AVB
P. 7
Den pasado Lotto a inverti mas cu Afl. 5 miyon den mantencion di e compleho
deportivo aki y nunca Lotto a haya e placa ey bek for di Land Aruba. Ta bon pa AVB
papia cu Land Aruba pa wak con gobierno ta bai yuda den invershon nan na e stadion
Guillermo Trinidad. Land Aruba ta traha cu un presupuesto di un pais, hopi grandi
compara cu Lotto pues nan mester por aloca di e suma grandi aki un tiki placa pa
renobacion di e stadion. Land Aruba ta doño huridico di stadion Guillermo Trinidad i ta
prome llama pa hasi invershon nan necesario.
Ta pesey ta importante pa bini mas lihe cu ta possibel cu e Dialogo National di Deporte
pa pone un vision, mission i strategia firme, realistico i duradero pa nos Deporte na
Aruba. Lotto si tin e compromiso cu mundo di Deporte na Aruba, mira e invershon
milonario cu a tuma lugar na e Piscina Olimpico Sr. Rolly Bisslik, unda e sonjo di por a
organisa un Central American and Caribbean Amateur Swimming Confederation
(“CCCAN”) pa promer biaha den historia di Aruba a bira real. CCCAN ta duna punto pa
olimpiada. Esaki tawata un planificacion di 2 anja. Lotto tin e amor pa deporte.
http://www.diario.aw/2018/09/mester-sina-traha-planifica-y-notifica-esnan-
concerni-sigur-un-ana-adelanta-di-posibel-cambionan-cu-lo-mester-tuma-lugar/
