Page 29 - FDLP
P. 29
Aljereau Sophia ta gradicido p’e oportunidad di a participa den e competencia aki. Otro
aña e ta bira un evento sanciona y esun cu gana e evento aki lo haya su ticket pa participa
den “Crossfit games”. E evento aki ta esun di mas grandi den crossfit. Nan a cuminsa cu
un sistema nobo y otro aña e lo ta mas hopi duro pa por drenta e competencia.
Door di a competi den Lowlands Throwdown e sa kico tur mester haci pa bira miho.
Esaki tabata un experencia p’e pasobra e sa kico e competidonan tin den nan. E aña aki
na Aruba e ta esun di mas fit den crossfit, pero na Hulanda esaki ta completamente
diferente. El a demostra cu e por y pa otro aña e lo ta hopi mas duro prepara.
Como un coach na Crossfit Eximious 462 e sa cu ta algo historico, pasobra pa prome
biaha un Arubiano a logra cualifica p’e Lowlands Throwdown. A pone Aruba su nomber
na laira y nan por a mira kico Aruba tin aden. Aljereau Sophia ta gradici tur hende cu a
yud’e bay competi na Hulanda den un tempo corto.
Jonathan Wever ta e coach cu a compaña Aljereau Sophia y a expresa cu e evento aki ta
un di e mas grandi na Hulanda. Atletanan di diferente pais tambe a competi den
Lowlands Throwdown, pasobra nan sa kico ta e importancia di e competencia aki pa un
atleta cu ta aspira pa yega e “Crossfit games”. E competencia ta bon organisa cu e
“headquarters mes” di crossfit a dicidi pa bin cu un evento sanciona pa otro aña.
