Page 15 - JUS DEC 8

AWEMainta Diahuebs, 8 December 2016 31

Locutor di radio

emisora local deteni

bou sospecho di

tene relacion sexual

cu menor di edad

RECIENTEMENTE, un conocido locutor di radio emisora local a keda
deteni bou sospecho di a tene relacion sexual cu un mucha muhe menor di edad.
Ademas di ta wordo considera un di e locutornan mas popular di e radio emi-
sora, el a fungi tambe como maestro di ceremonia y animador di fiestanan.
E noticia aki sigur a cay di sorpresa pa esnan cu conoc’el e, kendenan no por
kere y ta confia cu ta un mal comprendemento.
Den un caso asina, un keho oficial mester wordo entrega si e victima ta entre
12 pa 15 aña.

Pero si esaki resulta 12 aña bay abou, Polis tin autoridad pa haci un detencion
cu sosten completo di ley. E caso ta aki ta bou investigacion.

Scol di Evangelisacion “Mgr. A van

der Veen Zeppenfeldt Aruba” ta

anuncia curso “Maria, nos Mama”

SCOL di Evangelisacion “Mgr. A. van der Veen Zeppenfeldt Aruba” ta habri
2017 poniendo su mes den mannan amoroso di nos Mama Maria y ta haci
un invitacion na nos religiosonan, gruponan di oracion, apostolado Mariano,
Comunidad Neo Catecumenado, tur grupo pastoral cu ta traha den iglesia y
tambe tur participante cu a yega di sigui cursonan di Scol pa reserva e fin di
siman 13-14-15 di januari 2017 pa curso “Maria, nos Mama”, cu ta tuma luga
na Centro Pastoral na Santa Cruz.
Curso “Maria, nos Mama” ta un curso habri, pues tur hende por bin.
E obhetivo di e curso “Maria, nos Mama” ta pa haya conocemento mas cla y
solido di Mama Maria, e muhe bendiciona, mama di Dios y mama di nos tur.
Pa nos stima Maria y descubri e poder di Hesus den dj’e.
Pa mas informacion por yama Centro Pastoral (Santa Cruz) na telefon 585-
8378 entre 2’or y 6’or di atardi of Ada Werleman na telefon 592-6838 of
Mayra Croes na telefon 565-8504.