Page 66 - JUS DEC 8

Ministerio Publico ta pensa pa hiba e caso penal contra e sospechoso R.E.B.G. mas
liher posible dilanti Corte den Prome Instancia, probablemente na januari caba di 2017.
E sospechoso a wordo deteni riba 28 di november ultimo. E ta wordo sospecha di a
haci su mes culpable di, entre otro, estafa y falsificacion.

Relaciona cu denuncianan y meldingnan a cuminza un investigacion penal, bao guia di
Ministerio Publico. E problemanan serio di salud di e sospechoso a haci cu te awor no
tabata possible pa tene den detencion. Mientrastanto a bin un solucion pesey. E
sospechoso tá den detencion y lo wordo hiba dilanti Huez-Comisario mañan diahuebs.

Ministerio Publico a tuma nota di un malentendimiento cu a lanta tocante e 75 pa 100
melding, cu Censo lo a haci na Ministerio Publico. E 75 pa 100 melding ta cubri, segun
Censo, un periodo di siete aña, mientras cu Ministerio Publico tabata convenci cu
tabata trata di 75 pa 100 melding den un aña tocante e sospechoso aki.