Page 60 - AVP
P. 60
di Lotto consistiendo di campañadornan di AVP, esta AVP-istanan raha manera Silvio
Janga, Benvinda Da Sousa, Arnold Le Grand, Reo Theunisson, Flavio Faneyte (di
Elmar), Eli Kock ex candidato riba lista di AVP ta esnan for di inicio cu a ricibi e tarea di
Mike Eman y Mike De Meza pa contracta e compania Ernst & Young pa haci e trabou
sushi aki.
Mi no lo bay den mucho profundidad di Ernst & Young ainda como cu tin un caso mas
na caminda unda lo trata e magnitud di daño cu nan a ocasiona.
Rapport yena cu falsedad y manipulacion
Parlamentario Endy Croes ta lamenta masha hopi cu Ernst & Young a coopera cu
activistanan di AVP, coordinadornan di Mike Eman y Mike De Meza den bestuur di Lotto
na e manera aki. Asina Ernst & Young a produci un rapport cu hopi falsedad,
manipulacion y engaño cual rapport a conduci pa kibra mi contracto di trabou, te hasta
benta mi persona 10 dia den prison.
Nos no tin miedo ni berguensa pa bisa esaki. Hunto cu Abogado Ruiz nos a inicia e
lucha contra esnan cu a skirbi e rapport falso aki esta Ernst & Young pero nunca por a
pensa ni anticipa cu esaki lo dura asina largo. A traha dianan, lunanan, añanan largo
riba e caso pa asina por a aclaria y splica Huesnan cu tur prueba con tramposo e
rapport aki carga cu mentira y manipulacion ta.
Ernst & Young y su engañonan
Parlamentario Endy Croes a splica en corto cuminsando di cosnan mas chikito cual ta
mustra e direccion cu EY lo a bay. Por ehempel Croes a haya un deadline di 21 di juni
2010 pa duna su reaccion riba e concepto di e rapport cual nan a lag’e lesa algun ora,
apesar cu EY no a permitie hiba ningun documento cual lo ta normal den un caso di e
magnitud aki.
Pues no a haya oportunidad di studia y of laga un abogado of experto yud’e den
esaki. Croes a haya inicialmente 4 ora pa mira e rapport, pues ter inzage y sin ningun
bijlage. Croes a fax su reaccion por escrito pa EY riba e fecha di 21 di juni pa cumpli cu
e deadline. Den e rapport final EY ta dedica un alinea hasta na esaki riba pagina 23 pa
inicia cu su manipulacion.
