Page 32 - awem10march
P. 32
32 AWEMainta Diabierna, 10 Maart 2017
Muher burachi, pata-pata a kibra dos
auto practicamente na mesun momento
TABATA diarazon anochi pa 8’or na rotonde di Ponton
ta tuma lugar un accidente, unda un auto Hyundai Creta
maneha pa un muher a dal den un auto Toyota Yaris, y
a sigui core bay.
Chofer di e Hyundai no ta para y ta sigui core drenta
Catunastraat den su robes y bay dal frontal den un
Hyundai Accent.
Chofer di e prome auto den e accidente aki, e Toyota
Yaris a sigui core tras di e Hyunday Creta y ta bin tope
den un otro dos accidente den Catunastraat.
Polis cu tambe a yega mientrastanto n’e sitio a detene
chofer di e auto Hyunday Creta, kende tabata un muher
pata-pata burachi, cu ni por a para riba su pianan.
Ora cu Polis a atende cune y no tabata por a para keto.
Dos Polis mester a tene e chofer di e auto, hinke den un
dogcatcher pa hibe Warda di Polis.
E chofer di e Toyota Yaris a keda herida y a ser transporta
pa hospital. Tur tres auto a keda basta kibra.
